Ready for Reading ikorera mu murenge wa Rwinkwavu mu karere ka Kayonza ku bufatanye n’umuryango mpuzamahanga wigenga Global GLOW, yateguye ihuriro ry’abakobwa babarizwa muri gahunda zitandukanye za GLOW Clubs (Biga kwikorera ubuvugizi), Healthy GLOW (Biga ubuzima bw’imyororokere), Girl Solve (Biga kwihangira umurimo), bakorera mu murenge wa Rwinkwavu, Mukarange, Musha, Bugesera bagera kuri 510.
Iri huriro ryiswe “2022 GLOW SUMMIT” rizaba kuva Tariki 10 kugeza Tariki 12 Kanama 2022 kuri Ready for Reading, mu murenge wa Rwinkwavu mu karere ka Kayonza.
Abakobwa 510 bazahurira mw’ihuriro “2022 GLOW SUMMIT” bazigiramo ibikorwa bitandukanye harimo kwiga amasomo atandukanye ajyanye n’ihame ry’uburinganire, ibijyanye n’uburenganzira bw’umwana w’umukobwa, amasomo ajyanye n’ihohoterwa rishingiye ku gitsina, ndetse n’uburezi bw’umwana w’umukobwa.
Ready for Reading ni umuryango utegamiye kuri reta ukorera mu murenge wa Rwinkwavumu karere ka Kayonza ufite ibikorwa bikubiyemo isomero ndetse n’ikigo cy’amaguhurwa, ukaba ubumbatiye ibikorwa bitandukanye birimo gahunda z’abakobwa babarizwa muri Global GLOW nk’umufatanyabikorwa.
Global GLOW ni umuryango mpuzamahanga wita ku mwana w’umukobwa umwigisha uko yakwitwara ndetse akaba yagira uruhare runaka mu mpinduka nziza z’aho atuye.
NIKUZE NKUSI Diane
